१० वर्षदेखि नेपालका विभिन्न जिल्लाका असहाय, अनाथ तथा कुनै पनि कारणले परिवार गुमाएका बालबालिकाहरुका लागि आवास, पालनपोषण, शिक्षा लगायतका आधारभुत आवश्यकता परिपुर्ति गर्दै आएको ललितपुरको प्रेमज्योति समाजले १० औँ वार्षिकोत्सव मनाएको छ । ललितपुर जिल्लाकै उत्कृष्ट बालगृहमध्येमा पर्ने समाजको १० औँ वार्षिकोत्सव विशेषरूपमा मनाइएको छ । केन्द्रिय बाल कल्याण समितिका कार्यक्रम प्रबन्धक नमूना भूषालको प्रमुख आतिथ्यतामा आयोजित कार्यक्रममा बिभिन्न संघसंस्थाहरुका प्रमुख, नागरीक समाजका अगुवाहरु र राजनिती दलका नेताहरुको उपस्थिति थियो ।
ललितपुरको गोदामचौर वडा नं. २, मा संस्थाको निजी भवनमा संचालित प्रेमज्योति समाजको बालगृहमा ३१ जना आमाबाबुविहीन बालबालिकाहरु आश्रय लिइरहेका छन् । संस्थाका अध्यक्ष शान्त भण्डारी समाजसेवी तथा सामाजिक अभियान्ता हुन् ।
