ह्याण्डबल संघले मानिस मर्दासमेत समवेदना प्रकट गरेन !
ह्याण्डबलका नाममा सक्रिय मात्र हैन केन्द्रिय पदाधिकारीसमेत रहेका रामकृष्ण केसी र मिठाराम अधिकारीले कपन अनलाइनसँग आफ्नो कुनै जिम्मेवारी नभएको भन्न समेत भ्याए भने अहिलेसम्म उनीहरुले सार्वजनिकरुपमा कुनै समवेदना वा यसरी मृत्यू भैरहने अवस्था नरहन उपयोगी प्रकृया अपनाउने गतिबिधि देखाएका छैनन् ।
कपनको विकास आफूले नै गरेको भनेर पटक पटक दोहोर्याउने केसी र अधिकारीसहित जिल्ला ह्याण्डबल संघका पदाधिकारी पनि यो विषय चुपचाप छन् । जिल्ला ह्याण्डबल संघका ७५ प्रतिशत सदस्य कपन निवासी छन् ।खेलकुदसँग सम्बन्धित क्षेत्र भएकाले जिल्ला खेलकुद विकास समितिका अध्यक्ष ध्रुवराज न्यौपाने र उपाध्यक्ष दामोदर भट्टराई पनि कपनमै बस्ने भएपनि उनीहरुले यो विषयलाई महत्व दिएनन् ।
ज्यामी काम गर्ने पिता तथा गलैँचा मजदुर माताका छोरा ५ वर्षीय सम्राट मगरको केही दिन अघि ह्याण्डबल मैदानसँगैको ढिस्कोबाट खसेको माटोले लागेर मृत्यू भएको थियो ।
