प्रेस चौतारी काठमाडौंको अधिवेशन सम्पन्न
नेकपा एमाले निकट प्रेस चौतारी काठमाडौंको चौथो अधिवेशन सम्पन्न भएको छ । अधिवेशनबाट लोकेन्द्र केसीको नेतृत्वबाट नयाँ कमिटि निर्माण भएको छ । नव निर्वाचित कमिटिमा उपाध्यक्षमा विष्णु आचार्य, सचिवमा उद्धव थापा, सहसचिव संगम महत र कोषाध्यक्षमा मुकुन्द बस्याल रहेका छन् ।
त्यसैगरी सदस्यहरूमा पुण्यराज पुडैसैनी, दिपेश थापामगर, आशिष श्रेष्ठ, ज्योति जिसी, कालिबहादुर बस्नेत, कृष्णनन्द भट्ट, पूर्ण कार्की, सुव्रत मन, प्रमोद पोखरेल, श्यामराज पाठक र राधेश्याम तिमल्सिना रहेका छन् भने ३ महिला सदस्य पछि मनोनित गरिने बताईएको छ ।
कार्यक्रममा प्रमुख अतिथि नेकपा एमालेका केन्द्रीय सचिव एंव प्रचार विभाग प्रमुख योगेश भट्टराईले १३ औं महाधिवेशन पछि कांग्रेस पनि सरकारमा सामेल हुने बताउँदै पत्रकारिताका मार्फत संविधानको सफल कार्यान्वयन गर्नका लागि दवाव सिर्जना गर्न प्रेस चौतारीका सदस्यहरूलाई आग्रह गरे । कार्यक्रममा केन्द्रीय सदस्य सूर्य थापा, प्रेस चौतारीका केन्द्रीय अध्यक्ष राजेन्द्र अर्याल, नेकपा एमालेका काठमाडौं संयोजक कृष्ण राई र सांसद रामेश्वर फुँयाल लगायतको आतिथ्यता रहेको थियो ।
