टोखामा एक युवकको हत्या, २ जना पक्राउ

कपन अनलाइन

काठमाण्डौ ,असोज २५।

टोखा नगरपालिका-२ चण्डेश्वरीमा बिहीबार राति पाँचथर घर भएका ४० वर्षीय राम लिम्बुको हत्या भएको छ  ।

हत्या आरोपमा प्रहरीले उदयपुर घर भएका २७ वर्षीय गणेश लामा र सिन्धुली घर भएका ४० वर्षीय खुप बहादुर तामाङलाई पक्राउ गरेको छ । बादविवादको क्रममा उनीहरूले फलामको रड प्रहार गर्दा लिम्बु गम्भीर घाइते भएका थिए । घाइते लिम्बुलाई उपचारका लागि ट्रमा सेन्टर पठाइएको थियो ।

पक्राउ परेकाहरुमाथि हत्या आरोपमा अनुसन्धान अघि बढाएको प्रहरी जनाएको छ ।