बुढानिलकण्ठमा भेट्रान कप फुट्सल प्रतियोगिता हुदै
कपन अनलाइन
काठमाण्डौ ,मङ्सिर १४।
बुढानिलकण्ठ नगरपालिकामा यहि मंसिर २१ र २२ गते 5 ए साइड भेट्रान फुट्सल प्रतियोगिता हुने भएको छ।
देवी स्पोर्ट्स ,रुद्रेश्वरको आयोजना तथा बुढानिलकण्ठ नगरपालिका वडा नं को प्रायोजनमा हुने सो प्रतियोगितामा नगरपालिका भित्रका भेट्रान खेलाडीहरुले भाग लिन सक्ने आयोजकले जानकारी दिएको छ।
मंसिर १३ गते पार्क भिलेज होटलमा पत्रकार सम्मेलनको आयोजना गर्दै सो प्रतियोगिताका बारेमा जानकारी प्रदान गरिएको हो। उक्त प्रतियोगितामा प्रथम हुने टिमले नगद ३० हजार तथा दितीय हुनेले नगद १५ हजार पुरस्कार प्राप्त गर्ने आयोजक देवी स्पोर्ट्स हाउसका प्रोप्राइटर किरण थापाले जानकारी दिएका छन।
सो पत्रकार सम्मेलनमा वडा नं ३ का अध्यक्ष आकाश धिताल ,सदस्यहरु विक्रम राज श्रेष्ठ ,बालमाया श्रेष्ठ , शुशिला रम्तेल सहित आयोजक संस्थाका विभिन्न व्यक्तित्वहरुको उपस्थिति रहेको थियो।
सो पत्रकार सम्मेलनमा बोल्दै वडा नं ३ का अध्यक्ष आकाश धितालले वडा नं ३ लाइ खेलकुदको केन्द्र बनाउने लक्ष्य रहेको बताउदै भेट्रान प्रतियोगिताले पुराना र नयाँ पुस्ता विचको सहकार्य र सहयात्रा गर्ने वातावरण निर्माण गर्ने विस्वास व्यक्त गरेका थिए।
