फ्युजन एकेडेमी बुढानिलकण्ठ-५ को अभिभावक अभिमुखिकरण कार्यक्रम सम्पन्न

कपन अनलाइन

काठमाण्डौ ,जेष्ठ ६।

फ्युजन एकेडेमी, बुढानिलकण्ठ-०५ ले अभिभावक अभिमुखिकरण कार्यक्रम – २०८१ भब्यताका साथ सम्पन्न गरेको छ ।

सहजकर्ता डाक्टर तारा जीले सहजीकरण गरेको  उक्त कार्यक्रमको अध्यक्षता विधालय ब्यवस्थापन समितिका अध्यक्ष नारायण दुलालले गरेका थिए।

विधार्थीहरुको सर्वाङ्गिन विकासको लागि विधालय, विधार्थी एवम् अभिभावकहरुको  परिवर्तित पाठयक्रम अनुसार अहिलेको अवस्थामा   भुमिका अझ ससक्त हुनुपर्ने भएकोले कार्यक्रम आयोजना गरेको जानकारी दिदै प्रधानाध्यापक कृष्ण भण्डारीले अभिभावक शिक्षाको निकै खाँचो रहेको र सो को लागि अभिभावकहरुलाई नै शिक्षित, सक्षम र जागरुक वनाइ विधालय, समाज र देश कै पहिचान वदल्ने उदेश्यले उक्त कार्यक्रम आयोजना गरिएको बताए।

अभिभावकका तर्फबाट विधालय ब्यवस्थापन समितिका अभिभावक सदस्य एवम् साहित्यिक ब्यक्तित्व ध्रुब खनालले कार्यक्रमको सफलताको शुभकामना व्यक्त गर्दै रचनात्मक कार्यक्रमको लागी विधालय परिवारलाई धन्यवाद दिएका थिए।

बुढानिलकण्ठ पार्टी प्यालेस, बुढानिलकण्ठमा आयोजित सो कार्यक्रममा बुढानिलकण्ठ शैक्षिक मञ्चका अध्यक्ष कृष्ण लमिछाने र प्याब्सन बुढानिलकण्ठ नगर समितिका अध्यक्ष राधेश्याम श्रेष्ठ लगायतको  उपस्थिति रहेको थियो  ।