एकै पटक २२४ जना संगठित सदस्यलाई सपथ खुवाउने एमाले बुढानिलकण्ठको तयारी

कपन अनलाइन

काठमाडौं, फागुन २३।

नेकपा एमाले बुढानिलकण्ठ नगर कमिटीले नयाँ संगठित सदस्यहरुलाई सपथ ग्रहण गराउने तयारी गरेको छ।

फागुन २६ गते सनिवार वडा नं ८ को सुकुन्दा पार्टी प्यालेस (धोवीखोला कोरिडोर ) मा हुने सो सपथ ग्रहण कार्यक्रममा नयाँ संगठित सदस्यता प्राप्त गरेका २२४ जना सदस्य सामेल हुनेछन।

नगरपालिकाका १३ वटै वडामा अधिवेसन सम्पन्न गर्ने काठमाण्डौ जिल्लाको पहिलो नगर कमिटीका रुपमा रहेको नेकपा एमाले बुढानिलकण्ठले चैत्र १६ र १७ गते नगर अधिवेसनको मिति समेत तोकेको छ।