प्याव्सन बुढानिलकण्ठको आयोजनामा समाचार लेखन कार्यशाला सम्पन्न

कपन अनलाइन

काठमाण्डौ ,फागुन १५ /अमित श्रेष्ठ

बुढानीलकण्ठ नगरपालिका वडा नम्बर ८ मा अवस्थित नगरपालिकाको कार्यालय भवनमा विद्यार्थी समाचार लेखन कार्यशाला सम्पन्न  भएको छ ।

प्याव्सन बुढानीलकण्ठको आयोजना र  कपन अनलाइनको सहकार्यमा भएको यस कार्यक्रममा ३० वटा विद्यालयका ३८ जना विद्यार्थीहरूलाई समाचार लेखन कार्यशाला सम्पन्न गराइएको थियो ।

नगर प्याव्सन  अध्यक्ष राधेश्याम श्रेष्ठको अध्यक्षतामा भएको  कार्यक्रमका प्रमुख अतिथि नगरपालिका शिक्षा युवा तथा खेलकुद महाशाखा प्रमुख ललितविक्रम सिंह रहेका थिए ।

प्याव्सन काठमाण्डौका  सहसचिव कृष्ण भण्डारी तथा बुढानिलकण्ठ नगरपालिकाका शैक्षिक मञ्चका अध्यक्ष श्री कृष्ण लामिछानेको  अतिथ्यतामा भएको सो कार्यक्रममा नगरपालिकाका हरेक विद्यालयहरूमा विद्यार्थी पत्रकार उत्पादन गर्ने अभियान सञ्चालन गरिएको थियो ।

उक्त कार्यक्रम सभ्य भव्य बनाई बुढानीलकण्ठ नगरपालिकाका हरेक विद्यालयहरूमा विद्यार्थी पत्रकारहरू उत्पादन गर्ने अभियान तीव्रताका साथ जारी रहनेछ भन्ने प्रतिबद्धताका साथ सो कार्यक्रम सम्पन्न भएको कुरा नगर प्याप्सनको अध्यक्ष राधेश्याम श्रेष्ठले बताएका छन् ।