कपन ह्यान्डबल मैदानमा बुढानिलकण्ठको कार्यपालिका बैठक, गौरवका योजनाको प्रवर्धन

कपन अनलाइन
काठमाडौं, माघ ११।

बुढानिलकण्ठ नगरपालिकाले गौरवका योजनाहरुको प्रवर्धन र विकासलाई प्राथमिकता दिनका लागि स्थलगत रुपमा कार्यपालिका बैठक गर्ने अभियानको शुरुवात गरेको छ।

नगरपालिकाको गौरवको योजनाका रुपमा रहेको वडा नं १० निर्माणाधीन कपन ह्यान्ड बल मैदानमा कार्यपालिका बैठक आयोजना गर्दै सो अभियानको शुरुवात गरिएको हो।

नगर प्रमुख मिठाराम अधिकारीको अध्यक्षतामा माघ १० गते कपन ह्यान्डबल मैदानमा बसेको बैठकले नगरपालिकामा भैरहेको विकास निर्माण र कार्यक्रमहरुको अर्ध वार्षिक समिक्षा गर्ने निर्णय गरेको थियो।

त्यस्तै सो बैठकमा आज बाट शुरु हुने बुढानीलकण्ठ नगरपालिकामा “तेस्रो वृत्ति मार्ग-निर्देशन तथा रोजगार मेला २०८०” BUDHANILKANTHA CAREER FAIR को तयारीका वारेमा पनि छलफल गरेको थियो।