बुढानिलकण्ठबाट राम बहादुर बम्जन पक्राउ

कपन अनलाइन

काठमाण्डौ ,पुस २४।

आफूलाई तपस्वी बताउने रामबहादुर बम्जनलाई प्रहरीको केन्द्रीय अनुसन्धान ब्युरोले पक्राउ गरेको छ । ब्युरोका एक उच्च अनुसन्धान अधिकारीले उनलाई बुढानीलकण्ठ हात्तीगौडास्थित एक घरबाट पक्राउ गरेर भर्खरै ब्युरो ल्याइएको बताए ।

आश्रममा बस्ने अनुयायीको हत्या गरेको, बेपत्ता पारेको तथा यौन हिंसा गरेको उजुरीपछि सीआईबी, कोशी प्रदेश र मधेश प्रदेश प्रहरीले समेत उनको खोजी गरिरहेका थिए ।

बम्जनको आश्रमबाट आनिसहित ४ जना सम्पर्कविहीन भएको उजुरी परेपछि प्रहरीले लामो समयदेखि उनलाई खोजी रहेको थियो ।बम्जनको आश्रमबाट बेपत्ता भएका आफ्ना परिवारका सदस्यलाई खोजी दिन परिवारले केही समय अगाडि पत्रकार सम्मेल गरी सरकारलाई आग्रह समेत गरेका थिए ।