तिन ४ जिपिए ल्याएको पुष्पलाल मेमोरियल सम्मानित,तिन विद्यार्थीलाई जनही २५ हजार पुरस्कार

कपन अनलाइन

काठमाण्डौ,मङ्सिर १७।

बुढानिलकण्ठ नगरपालिका वडा नं १२ मा रहेको पुष्पलाल मेमोरियल मावीलाई बुढानिलकण्ठ नगरपालिकाले सम्मान गरेको छ। एसइइ परिक्षामा तिन जना विद्यार्थीहरुले ४ जिपिए प्राप्त गरेको सो विद्यालयलाई नगरपालिकाको १० औ स्थापना दिवसका अवसरमा सम्मान गरिएको हो।

सो विद्यालयबाट एस इ इ परिक्षामा सामेल भएर ४ जिपिए प्राप्त गर्ने  सम्राट आचार्य, आर्जु अर्याल र अविरल दाहाललाई सो अवसरमा २५ हजार नगद पुरस्कार सहित सम्मान गरिएको सो कार्यक्रममा विद्यालयका प्रिन्सिपल नारायणबाबु तिमल्सिनालाई पनि सम्मान गरिएको थियो।

सो सम्मानको अवसरमा  नगर प्रमुख मिठाराम अधिकारी,उपप्रमुख अनिता लामा,सामाजिक विकास समिति संयोजक शान्ता ढकाल (पुडासैनी) शिक्षा शाखा प्रमुख ललित विक्रम सिंह सहित जनप्रतिनिधिहरुको उपस्थिति रहेको थियो।

औंपचारिक स्वरुपमा भएको सो कार्यक्रममा सुर्यमणि आचार्य,राधिका ढकाल,उमा प्रधान, नगरपालिकाका कर्मचारी लगायत नगरप्रहरीहरुले साँस्कृतिक नृत्य समेत प्रस्तुत गरेका थिए ।