नेकपा माओवादी केन्द्र बुढानिलकण्ठको पत्रकार भेटघाट तथा अन्तरकृया कार्यक्रम सम्पन्न
जनता संग माओवादी अभियान अन्तर्गत नेकपा माओवादी केन्द्र बुढानिलकण्ठको आयोजनामा पत्रकार भेटघाट तथा अन्तरकृया कार्यक्रम सम्पन्न भएको छ।
बुढानिलकण्ठ नगरपालिका वडा -१० मा रहेको मिलन चोक पार्टी भेन्युमा भएको कार्यक्रममा तीन महिने अभियानका कार्यक्रम र योजनाहरुका वारेमा जानकारी प्रदान गरिएको थियो ।
नेकपा माओवादी केन्द्र बुढानिलकण्ठ नगर कमिटीका अध्यक्ष भाइ नारायण श्रेष्ठको अध्यक्षतामा भएको उक्त कार्यक्रमको प्रमुख अतिथि केन्द्रीय सदस्य तथा अभियानका इन्चार्ज विशाल खड्का रहेका थिए ।
सो कार्यक्रममा नेकपा माओवादी केन्द्रका केन्द्रीय सदस्यहरु सुशीला पौडेल , कसम गुरुङ, करुणा ढुङेल , बागमती प्रदेश कमिटी सदस्य राम प्रसाद खनाल बसन्त ,टि आर नेपाल ,अमर बिक , जमुना बुढाथोकी र डम्बर अधिकारी लगायतको उपस्थिति रहेको थियो ।
सो कार्यक्रममा स्वागत मन्तव्य राख्दै अध्यक्ष श्रेष्ठले बुढानिलकण्ठ नगरपालिकाका १३ वटै वडामा भाद्र १६ गते ८ बजे अभियानको शुरूवात हुने जानकारी दिएका थिए ।
त्यस्तै कार्यक्रममा बोल्दै प्रमुख अतिथि खड्काले नेकपा माओवादी केन्द्रले बुढानिलकण्ठ नगरपालिकाको समुदायलाई बलियो बनाउदै नगरको पहिचान उच्च बनाउने अभियानमा सक्रिय बन्न आग्रह गरेका थिए ।
स्थानीय र संघीय क्षेत्रमा निर्वाचित भएका जनप्रतिनिधिहरुले जनताको माग र नगरको आवस्यकता अनुसार काम नगरेको भन्दै खडकाले तिन महिने अभियानमा संगठन संगै जनताको आवस्यकता अनुसारका कार्यक्रम तथा योजनाहरु निर्माण गर्न नगर तथा वडा कमिटीहरुलाई निर्देशन समेत दिएका थिए ।
