श्री बौद्धनाथ क्षेत्र विकास समितिको छात्रवृत्ति सम्बन्धी सार्वजनिक सूचना

कपन अनलाइन

काठमाडौ,साउन १३ । श्री बौद्धनाथ क्षेत्र विकास समितिले  कक्षा ११ मा अध्ययनरत छात्रछात्राका लागि छात्रवृत्तिको सार्वजनिक आव्हान गरेको छ ।  बुधवार बसेको छात्रवृत्ति बितरण व्यवस्थापन उप समितिको  बैठकले काठमाडौं महानगरपालिका वडा नं ६ र यस वडासँग सिमाना जोडिएका निर्वाचन क्षेत्र नं ३ अन्तर्गतका नगरपालिकाका वडाभित्र रहेका संस्थागत विद्यालयमा कक्षा ११ मा अध्ययन गर्न चाहने ३७ जना छात्रछात्रालाई  छात्रवृत्तिको  लागि   सार्वजनिक सूचना जारी  गरेको हो ।

गरिव, असहाय, विपन्न तथा जेहेन्दार विद्यार्थीले श्रावण मसान्त सम्म नियमपूर्वक दरखास्त दिन सक्नेछन् । दरखास्तका लागि समितिको कार्यालय टुसालमा सम्पर्क गर्न समेत क्षेत्रविकास समितिले सार्वजनिक सूचना मार्फत जानकारी गराएको  छ ।