बुढानिलकण्ठको उत्कृस्ट ९ मा भक्ति इन्टरनेसनल स्कुल,गणित तथा बिज्ञानमा अब्बल

कपन अनलाइन

काठमाण्डौ ,साउन १३ ।

बुढानिलकण्ठ नगरपालिका हात्तीगौडामा रहेको भक्ति इन्टरनेसनल स्कुल नगरपालिका भित्रका संस्थागत विधालय हरु मध्य उत्कृस्ट नवौ स्थानमा पर्न सफल भएको छ।

शिक्षा विकास तथा समन्वय इकाई काठमाण्डौ जिल्लाको प्रारम्भिक विश्लेषणका अनुसार उक्त परिक्षामा भक्ति इन्टरनेसनल स्कुल औसत ३.५९ जिपिए सहित उत्कृस्ट १० भित्र पर्न सफल भएको हो।

त्यस्तै सो विधालयले  २० जना भन्दा बढी विद्यार्थी एस इ इ परिक्षामा सामेल गराउने विधालयहरु मध्य विज्ञान विषयमा सबैभन्दा धेरै अंक पाएको छ भने गणित विषयमा पनि उत्कृस्ट नतिजा हाशिल गरेको छ।

लामो समय देखि शैक्षिक विकासमा सक्रिय रहेको सो विद्यालयले नियमित परिक्षामा उत्कृस्ट नतिजा प्राप्त गर्नुका साथै अतिरिक्त क्रियाकलापहरुमा पनि निकै राम्रो प्रदर्शन गर्दै आएको छ ।