नवोदय बहुउद्देश्यीय सहकारी संस्था लि बुढानिलकण्ठ-१२ ले आफ्नै भवनबाट सेवा शुभारम्भ गर्यो

नवोदय बहुउद्देश्यीय सहकारी संस्था लि बुढानीलकन्ठ -१२ को आफनै भवन बाट सदस्य सेवा सुभारम्भ भएको छ । संस्थाको भवन उद्घाटन तथा सेवा सुभारम्भ समारोहका प्रमुख अतिथि बुढानीलकन्ठ नगरपालिका का प्रमुख मिठाराम अधिकारी रहेका थिए भने अतिथिहरु बुनपा -१२ का अध्यक्ष शम्भु प्रसाद भट्टराई ,सप्तदेब साकोसका अध्यक्ष बालकृष्ण भट्टराई ,लाइफ भिजन साकोसका अध्यक्ष छबिरमण आचार्य ,टेक्सास साकोसका अध्यक्ष मुरारी भण्डारी ,काक्कुनका संचालक पुरुषोतम नेपाल लगायत रहेका थिए  ।

समारोहमा प्रमुख अतिथि बुनपाका प्रमुख अधिकारीले सहकारीलाई ब्यवस्थित रुपमा संचालन गर्दा कुनै समस्या नाआउने बताउदै नवोदय बहुउद्देश्यीय सहकारी संस्थाको प्रगतिको लागी शुभकामना व्यक्त गरेका थिए  ।

त्यस्तै  बुनपा १२ का अध्यक्ष शम्भु प्रसाद भट्टराईले पछिल्लो समय सहकारी मा समस्या बढेको हुँदा त्यस्ता समस्या आउन नदिइ संस्थालाई अगाडी बढाउन सल्लाह दिदै संस्थाले आफ्नै भवन बाट सेवा प्रबाह शुरु गरेकोमा खुशी व्यक्त गरेका थिए  ।

संस्थाका सचिव गणेश भट्टराईले संचालन गरेको  कार्यक्रमको अध्यक्षता संस्थाका अध्यक्ष नेत्र आचार्यले गरेका थिए  भने स्वागत मन्तव्य उपाध्यक्ष बिष्णु भट्टराईले राखेका थिए  ।

संस्थाका प्रबन्धक शंकर आचार्यले संस्थाको बिगत देखि बर्तमान सम्मको अवस्थाका  बारेमा जानकारी दिदै संस्थाको पछिल्लो अवस्थाको   समेत जानकारी गराएका थिए।