गोकर्णेश्वर नगरपालिका–८ बाट जुवातास खेलिरहेको अवस्थामा ६ जना पक्राउ

कपन अनलाइन
काठमाडौं, जेठ १।

गोकर्णेश्वर नगरपालिकामा  जुवातास खेलिरहेको अवस्थामा ६ जना पक्राउ परेका छन् ।

गोकर्णेश्वर नगरपालिका–८ अत्तरखेल बस्ने ज्ञानहरी लामाको घरमा जुवातास खेलिरहेको अवस्थामा सोही ठाउँ बस्ने दोलखा बिगु गाउँपालिका–३ घर भएका ५० वर्षीय निमा शेर्पासहित ६ जनालाई शनिबार साँझ प्रहरीले पक्राउ गरेको छ ।

प्रहरी वृत्त वौद्धबाट खटिएको प्रहरीले उनीहरूलाई जुवा खेल्न प्रयोग भएको नगद ८६ हजार ३५० रूपैयाँ र तीन बुक ताससहित पक्राउ गरेको हो ।