बुढानिलकण्ठ नगरपालिका वडा नं १० मा पत्रकार आशिष गुरागाई माथि कुटपिट

कपन अनलाइन

काठमाण्डौ ,बैशाख ८।

बुढानिलकण्ठ नगरपालिका वडा नं १० मा पत्रकार आशिष गुरागाई माथि कुटपिट भएको छ।

वैशाख ७ गते साँझ रातोसूर्य  डटकम अनलाइन पत्रिकाको अध्यक्ष तथा प्रबन्ध निर्देशक आशिष गुरागाईमाथि राम कुमार पोखरेल सहित  अन्य दुईजनाले काठमाडौंको सार्वजनिक स्थलमा आक्रमण गरेको पत्रकार गुरागाईले बताएका छन।

गुरागाई नेपालकै पहिलो स्थानीय समाचार सम्प्रेषण गर्ने अनलाइ कपन अनलाइन, काठमाडौँखबर डटकम र हाल  रातोसूर्य डटकमका सस्थापक अध्यक्ष हुन्।

गुरागाँईका  अनुसार आक्रमणकारीले अचानक लात, मुक्का र लाठी प्रहारगरेका थिए। आक्रमणमा परेर गुरागाईको हात र अन्य स्थानमा चोट लागेको छ भने उनको स्वास्थ्य स्थिति सामान्य रहेको छ।

घटनाबारे महानगरीय प्रहरी प्रभाग कपन, नेपाल पत्रकार महासंघ काठमाडौं र प्रेस काउन्सिल नेपाल तथा संचार रजिस्टारको कार्यालय हेटौँडा समेत जानकारी गराइएको पत्रकार गुरागाईले जानकारी दिएका छन।