ग्लोरी बचत तथा ऋण सहकारी संस्थाको आयोजनामा रक्तदान कार्यक्रम सम्पन्न

कपन अनलाइन

काठमाण्डौ ,चैत्र २७।

बुढानिलकण्ठ नगरपालिका वडा नं ३ मा रहेको ग्लोरी बचत तथा ऋण सहकारी संस्थाको आयोजनामा रक्तदान कार्यक्रम सम्पन्न भएको छ।६६ औ सहकारी दिवस र नयाँ वर्ष २०८० को अवसरमा आयोजित उक्त रक्तदान कार्यक्रममा ६६ जनाले रक्तदान गरेका थिए।

बुढानिलकण्ठ मन्दिरको प्रांगणमा चैत्र २५ गते भएको सो रक्तदान कार्यक्रम संस्थाको सामाजिक उत्तरदायित्व अन्तगर्त आयोजना गरिएको जानकारी दिदै संस्थाका अध्यक्ष राजकाजी श्रेष्ठले आगामी दिनमा पनि समाज संग जोडिने विभिन्न कार्यक्रमहरु गर्ने बताएका छन।

लामो समय देखि आर्थिक उपार्जन र विकासको क्षेत्रमा क्रियाशील रहेको सो संस्थाले आयोजना गरेको रक्तदान कार्यक्रममा संस्थाका पदाधिकारी ,सदस्य तथा शेयर सदस्य,कर्मचारी  सहित स्थानीयहरुको सहभागिता रहेको थियो ।

तपाइँको प्रतिक्रिया ।