फेरिल्याण्ड इन्टरनेशनल स्कुल बुढानिलकण्ठ १० को पुरस्कार वितरण सम्पन्न

कपन अनलाइन

काठमाडौँ, चैत्र २२ । काठमाडौंको बूढानीलकण्ठ नगरपालिका–१० बालुवाखानीमा रहेको फेरिल्याण्ड इन्टरनेशनल स्कुलले  पुरस्कार वितरण कार्यक्रम सम्पन्न  गरेको छ ।  मंगलबार बिध्यालयले एक कार्यक्रमका बीच बिध्यालयले संचालन गरेको बिभिन्न खेलकुदका विधामा उत्कृष्ट हुने बिद्यार्थीहरुलाई मेडल प्रमाण पत्र वितरण गरिएको थियो ।

प्रिन्सिपल विष्णुचन्द्र अधिकारीको अध्यक्षतामा भएको उक्त कार्यक्रममा प्रमुख अतिथिको रुपमा बुढानिलकण्ठ नगरपालिकाका प्रवक्ता एबम वडा नं १० का वडा अध्यक्ष नवराज भट्टराई ,बिद्यालय संचालक, शिक्षक,अभिभावक तथा बिद्यार्थीहरुको उपस्थिति रहेको थियो ।

  कार्यक्रममा स्वागत मन्तब्य राख्दैप्रिन्सिपल विष्णुचन्द्र अधिकारीले  बिध्यालयले पढाइ संगै अतिरिक्त क्रियाकलापलाइ पनी उत्तिकै महत्व दिदै आएको बताए । उनले यो वर्ष मात्रै विविध १२ विधामा विद्यालयले अवार्ड जित्न सफल भएको जानकारी  गराएका थिए ।

कार्यक्रमलाइ सम्बोधन गर्दै प्रमुख अतिथि बुढानिलकण्ठ नगरपालिकाका प्रवक्ता एबम वडा नं १० का वडा अध्यक्ष नवराज भट्टराईले बिध्यालयमा अतिरिक्त क्रियाकलापको महत्वको बारेमा चर्चा गरेका थिए ।

बिध्यालयले संचालन गरेको बिभिन्न खेलकुदका विधामा  प्रथम दितीय र तृतीय हुने बिद्यार्थीहरुलाई प्रमुख अतिथि बुढानिलकण्ठ नगरपालिकाका प्रवक्ता एबम वडा नं १० का वडा अध्यक्ष नवराज भट्टराई लगायतले मेडल प्रमाणपत्र वितरण गरेका थिए ।