गोकर्णेश्वर युवा जागरण क्लब (GFG)ले तेस्रो स्व. गोपाल श्रेष्ठ स्मृति नगर स्तरीय ब्याडमिन्टन प्रतियोगिता गर्ने

कपन अनलाइन

काठमाडौं, फाल्गुन २८ ।  गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब (GFG)ले स्वर्गीय गोपाल श्रेष्ठको स्मृतिमा   तेस्रो स्व. गोपाल श्रेष्ठ स्मृति नगर स्तरीय ब्याडमिन्टन प्रतियोगिता  गर्ने  भएको छ ।नेपाल तरुण दल गोकर्णेश्वर नगर समिति, काठमाडौंका अध्यक्ष  तथा  गोकर्णेश्वर युवा जागरण क्लबका सल्लाहकार समेत रहेका स्व. गोपाल श्रेष्ठको हृदयाघातका कारण निधन भएको थियो। उनकै सम्झनामा  खेलको माध्यमबाट आपसी भाइचारा मित्रता र सामाजिक सदभाब कायम गर्दै वडा बाट प्रतिभावान खलाडी उत्पादन गर्ने उदेश्यका साथ चैत्र २ गते बाट  भगवती ब्याडमिन्टन क्लबको प्राङ्गणमा गोकर्णेश्वर नगरपालिका युवा तथा खेलकुद विकास समितिको सहयोगमा  तेस्रो स्व. गोपाल श्रेष्ठ स्मृति नगर स्तरीय ब्याडमिन्टन प्रतियोगिता  आयोजना गर्न लागिएको गोकर्णेश्वर  युवा जागरण क्लबका अध्यक्ष विकेश श्रेष्ठले जानकारी गराए ।

गोकर्णेश्वर नगरपालिका भित्र बसोबास गर्ने खेलाडीलाइ प्राथमिकता दिएको उक्त  प्रतियोगितामा सहभागी हुने टिमले फाल्गुन ३० गते सम्म रु एक हजार तिरी टिम दर्ता गरिसक्नुपर्ने जानकारी दिदै  खेल सामग्री र जर्सीखेलाडी स्वयंले  व्यवस्थापन गर्नु पर्ने समेत आयोजकले जानकारी गराएको छ । प्रतियोगिताको चैत्र १ गते खेलतालिका  प्रकाशित गरिने  हुँदा समयमा नै टिम दर्ता गर्न समेत आयोजकले अनुरोध गरेको छ ।प्रतियोगितामा  बिजयी हुने खेलाडीहरुले ट्रफी मेडल र प्रमाण पत्र प्राप्त गर्ने समेत आयोजकले जानकारी गराएको  छ । थप जानकारीको लागि सम्पर्क नम्बर

बिकेश श्रेष्ठ : ९८४९०६००३८

रबिन श्रेष्ठ :९८६२४०७९८९

किरण श्रेष्ठ : ९८४९३३०४४७