सूर्यविनायक नगरपालिकाले नगर गानको लागि आह्वान गर्यो ,उत्कृष्टलाइ ५० हजार पुरस्कार

कपन अनलाइन

काठमाडौँ,फाल्गुन १८ ।  सूर्यविनायक नगरपालिकाले नगर गानको लागि आह्वान गरेको छ । नगरपालिकाले मंगलबार एक सूचना जारी गर्दै नगर गानको लागि आह्वान गरेको हो ।

नगर गान नगरपालिकाको भौगोलिक, सामाजिक, आर्थिक, साँस्कृतिक, ऐतिहासिक, धार्मिक, मौलीक एवं विशिष्ठता झल्कने खालको हुनुपर्ने र नगर गान ४० देखि ६० शब्दसम्मको हुनुपर्ने, छनौट हुने  नगर गानको रचनाकारलाई ५० हजार पुरस्कारको समेत ब्यवस्था गरिएको छ । सुचना प्रकाशित भएको मितिले ३० दिन भित्र नगरपालिकाको इमेल मार्फत पठाउन वा नगरकार्यपालिकाको कार्यालय कटुन्जे भक्तपुरमा आफै उपस्थित भइ सिलबन्दी खाम पेश गर्न इच्छुक रचनाकार/ सर्जकलाइ अनुरोध गरिएको छ ।