अन्तरविद्यालय जुनियर छात्र फुटबल प्रतियोगिता : आयोजक लोयल्टी एकेडेमी क्वाटरफाइनलमा

कपन अनलाइन
काठमाडौं, फागुन १७।
आयोजक लोयल्टी एकेडेमी  ‘ए’ ११ औं लोयल्टी कप अन्तरविद्यालय जुनियर छात्र फुटबल प्रतियोगितामा मंगलबार क्वाटरफाइनलमा प्रवेश गरेको छ । लोयल्टी समूह ‘बी’ को विजेता बन्दै क्वाटरफाइनलमा पुगेको हो ।
मण्डिखटारस्थित घरेलु मैदानमा लोयल्टीले विद्या संस्कारलाई ३–१ गोलले पराजित ग¥यो । विजेताका साहिल राई ‘म्यान अफ द म्याच’ घोषित भए । अर्को खेलमा लोयल्टीले नेक्ससलाई ४–० गोलले हरायो । लोयल्टीका अश्विन थापा ‘म्यान अफ द म्याच’ चुनिए । विद्या संस्कारले नेक्ससलाई ४–२ गोलले हराउदै उपविजेताका रुपमा क्वाटरफाइनलमा पुग्न सफल भयो । विद्या संस्कारका दन्चित थापा ‘म्यान अफ द म्याच’ भए ।
समूह ‘बी’ बाट काष्ठमण्डप विजेता र टाइमलाइन उपविजेता हुँदै क्वाटरफाइनलमा पुगे । काष्ठमण्डपले चाँदबागलाई २–० तथा टाइमलाइनलाई ३–१ गोलले पाखा लगायो । टाइमलाइनले चाँदबागमाथि ३–२ को जित दर्ता ग¥यो ।
क्वाटरफाइनलमा काष्ठमण्डपको भेट विद्या संस्कारसंग हुनेछ भने टाइमलाइनले लोयल्टी ‘ए’ विरुद्ध खेल्ने छ । अन्य क्वाटरफाइनल ज्ञानोदय र लिटिल एन्जल्स तथा त्रिज्योति र काठमाडौं भ्यालीबीच हुनेछ । चारै क्वाटरफाइनल बुधबार हुनेछ ।