आज ( मंगलबार ) यातायात मजदुरले काठमाडौँ उपत्यका बन्द गर्ने

कपन अनलाइन

काठमाण्डौ ,फागुन २।

यातायात मजदुरले मंगलबार काठमाडौँ उपत्यका बन्द गर्ने भएका छन् । नयाँ बसपार्कस्थित लोत्से मलका कर्मचारीले यातायात मजदुरमाथि आक्रमण गरेको विरोधमा आज  मंगलवार  उपत्यका बन्दको घोषणा गरिएको नेपाल यातायात स्वतन्त्र मजदुर संगठनका अध्यक्ष भीमज्वाला राईले जानकारी दिए ।

उनका अनुसार हिजो मन्त्रालयमा मजदूरका मागबारे भएको छलफलको जानकारी पनि गराउने र फागुन ३ गतेपछि आन्दोलनको स्वरुप परिवर्तनबारे मजदूर संगठनहरुबीच एकमत निर्माण गर्न आज दिउँसो १ बजेका लागि नयाँ बसपार्कमा कार्यक्रम राखिएकोमा कार्यक्रममा सहभागी हुन पुगेका मजदूरमाथि लोत्से मलका कर्मचारीले आक्रमण गरेको अध्यक्ष राईले जानकारी दिएका छन  ।