गोकर्णेश्वर नगरपालिका वडा नं ६ को नवनिर्मित वडा कार्यालय भवन उद्घाटन

कपन अनलाइन

काठमाडौँ, माघ ९ । गोकर्णेश्वर नगरपालिका वडा नं ६ को नवनिर्मित वडा कार्यालय भवन उद्घाटन गरिएको छ । करिब एक करोड ३० लाखको लागतमा सांढे दुइ तलाको  उक्त भवन आइतबार एक कार्यक्रमका बीच गोकर्णेश्वर नगरपालिका प्रमुख दिपक कुमार रिसाल उप प्रमुख सान्नानी लामाले संयुक्त रुपमा उक्त भवनको रिबन काटि उद्घाटन गरेका हुन ।

वडा अध्यक्ष नवराज लामाको अध्यक्षतामा भएको उक्त कार्यक्रममा नगरपालिकाका प्रमुख प्रशासकीय अधिकृत बैकुण्ठ प्रसाद सापकोटा, नगर प्रवक्ता एबम वडा नं ५ का वडा अध्यक्ष नारायण बहादुर सुवेदी,  वडा अध्यक्षहरु द्वारिका श्रेष्ठ, मधु तामाङ, मुरारी कुईकेल, जयराम महत, केशव गुरुङ, नन्दलाल श्रेष्ठ, राजिव थापा,  नगरपालिका लेखा प्रमुख रामजी रायमाझी, शिक्षा शाखा प्रमुख डण्डपाणी शर्मा, स्वास्थ्य शाखा प्रमुख हरिप्रसाद उपाध्याय, बौद्ध प्रहरी वृत्त प्रमुख प्रहरी नायब उपरिक्षक हरि बहादुर बस्नेत लगायत वडा सदस्यहरु सहित स्थानीयको उपस्थिती रहेको थियो ।

नवनिर्मित भवनको उदघाटन गर्दै प्रमुख अतिथि नगर प्रमुख  दिपक कुमार रिसाल लगायतले भवनको निर्माण संगै वडाको सेवा प्रवाह र अन्य गतिविधिमा सहज हुने विस्वास व्यक्त गर्दै महत्वपूर्ण  भौतिक  पूर्वाधार निर्माणका लागि वडा कार्यालयलाई बधाई ज्ञापन गरेका थिए

कार्यक्रमलाइ सम्बोधन गर्दै गोकर्णेश्वर नगरपालिका वडा नं ६ का वडा अध्यक्ष नवराज लामाले  भवनको ९८ प्रतिशत काम सकिए पनि २ प्रतिशत काम बाकी रहेको र केही दिनमै काम सम्पन्न गरि आजैदेखि नवनिर्मित भवनबाट सेवाग्राहीलाई सेवा उपलब्ध गराउने बताएका थिए  ।