संस्थागत विद्यालय संघ नेपाल (इसान) ले तेस्रो इसान प्रिन्सिपल कप फुटसल प्रतियोगिता गर्दै

कपन अनलाइन

काठमाडौं पौष २१ । संस्थागत विद्यालय संघ नेपाल (इसान) ले आउँदो पुष २२ देखि २५ गतेसम्म तेस्रो इसान प्रिन्सिपल कप फुटसल प्रतियोगिता सञ्चालन गर्ने भएको छ । इसानका सदस्य विद्यालयमा शिक्षण गर्ने शिक्षकहरू बीच सञ्चालन हुने उक्त प्रतियोगितामा विभिन्न ४० विद्यालयका महिला र पुरुष गरि ८० टीमको सहभागिता हुने अनुमान गरिएको इसानका महासचिव गणेशप्रसाद खतिवडाले कपन अनलाइन लाइ जानकारी गराए । नक आउट प्रणालीमा खेलाइने खेल लिम्पिया नेशनल स्कुलको फुटसलमा सञ्चालन हुने जनाइएको छ । शिक्षकहरूमा आपसी सहयोग र सद्भाव बढाउनका लागि यस प्रिन्सिपल कप फुटसलले सहयोग गर्ने भएकोले इसानले हरेक वर्ष यो खेलको आयोजना गर्न लागिएको इसानका नव निर्वाचित अध्यक्ष मदनराज रेग्मीले बताएका छन् ।