बुढानीलकण्ठ नगरपालिका वडा नं ११ मा डा.राजन भट्टराई र जयराम थापाको घरदैलो
बुढानीलकण्ठ नगरपालिका वडा नं ११ मा काठमाडौं क्षेत्र नं ४ नेकपा एमालेबाट प्रतिनिधि सभा सदस्य उम्मेद्वार डा. राजन भट्टराई तथा प्रदेश सभा सदस्य उम्मेद्वार जयराम थापा जनताको घरदैलोमा पुगेका छन् ।
बुनपा ११ वडा पार्टी कमिटीद्वारा आयोजित घरदैलो कार्यक्रम विहान ७ बजे आकाशेधारा ह्याण्डबल ग्राउण्डबाट सुरु भई गणेश मन्दिर, जंगलादेवी, सगरमाथा चोक, आगमन टोल, विन्दवासिनी, अधिकारी मोड, लसुनटार, राम मन्दिर, कपन गुम्बा, प्रहरी तालिम गैह्री गाउँ, पौडेल टोल, जगडोल, लहरे घर, भञ्ज्याङ शहिद पार्क पुगी टुङ्गिएको थियो ।
दिउँसोको घरदैलो कार्यक्रम बूढाथोकी टोल, पैयाँटार यज्ञमती, पैयाँटार उकालो घुम्ती, शेर्पा चोक, गुरुङ टोल, दीक्षालय स्कूल, आनीगुम्बा–कञ्चनजंगा मार्ग, फूलबारी टोल कृष्णमन्दिरमा कोणसभा गरी टुङ्गिएको थियो ।
बुढानिलकण्ठ नगरपालिका वडा नं ११ मा घरदैलो गर्दा जनताको निकै न्यानो समर्थन पाएको बताउदै वडा कमिटीका अध्यक्ष कृष्ण भट्टराईले सहयोग गर्ने सबैलाई धन्यवाद दिएका छन।
