गोकर्णमा रक्तदान कार्यक्रम सम्पन्न

कपन अनलाइन

काठमाडौँ, कात्तिक १४। गोकर्णेश्वर नगरपालिका वडा नं ४ स्थित  राष्ट्रिय शहिद तथा शान्ती पार्कको कार्यलयमा रक्तदान कार्यक्रम सम्पन्न भएको छ । आइतबार काठमाडौं जिल्ला रेडक्रस शाखाको आयोजना र चाबहिल ,पशुपति ,बौद्ध उपशाखा को सह आयोजनामा बिहान ११ बजे देखि  अपरान्ह २ बजे सम्म  चलेको उक्त रक्तदान कार्यक्रममा ३२  जनाले रक्तदान गरेको आयोजकले जानकारी  गराएको छ । पछिल्लो समय डेंगु प्रकोपको रुपमा फैलिएपछि राजधानी लगायत देशका अधिकांश रक्तसञ्चार केन्द्रमा  प्लेटलेसको माग बढेसँगै रगत अभाव हुन थालेको छ  । डेँगु संक्रमितसँगै अन्य रोगका विरामीले समेत सहज रुपमा रगत पाउन नसकिरहेको अवस्थालाई मध्य नजर गर्दै रक्तदान कार्यक्रम आयोजना  गरिएको पनि जानकारी गराएको छ ।

कार्यक्रममा काठमाडौं रेड क्रस साखाका सभापति श्याम काजि डोटेल,पशुपति बौद्ध चाबहिल उप साखा का सभापति उत्तम नारायण महर्जन  गोकर्णेश्वर नगरपालिकाका प्रथम नगर प्रमुख सन्तोष चालिसे   , वर्तमान नगर प्रमुख  दिपक रिसाल,वडा अध्यक्ष हरु राजिब थापा ,जयराम महत, कपन रेड क्रस का पुर्ब अध्यक्ष शिव नारायण जोशि,बृहस्पति चालिसे  यज्ञडोल जगडोल सामुदायिक बनका अध्यक्ष सुदर्शन सिग्देल लगायत स्थानीयको उपस्थिति रहेको थियो ।छोटो समयको तयारीका बाबजुत पनि ३२ जनाले रक्तदान गरेकोमा खुसि ब्यक्त  गर्दै आयोजक संस्थाका अधिवक्ता  सन्तोष भण्डारीले  रक्तदाताहरुलाई धन्यवाद दिएका छन् भने आगामी दिनमा पनि यस्तै सहयोगको अपेक्षा समेत  गरेका छन।