ओखलढुंगा कांग्रेसको गढमा पहिरो ,सयौ नेता कार्यकर्ता नेकपा एमालेमा प्रवेस
कपन अनलाइन
काठमाण्डौ ,असोज २८।
नेपाली कांग्रेसको गढ मानिएको ओखलढुंगा जिल्लाको मोलिमा २ सय जना भन्दा बढी नेकपा एमालेमा प्रवेस गरेका छन।
नेपाली कांग्रेसको लामो इतिहास बोकेका नेता स्व. बलबहादुर राईको गाउँ मोलीमा आयोजित एक कार्यक्रममा सयौ नेपाली कांग्रेसका नेता तथा कार्यकर्ताहरुलाई नेकपा एमालेमा स्वागत गरिएको हो।
ओखलढुंगा जिल्लाको माने भन्ज्यांग गाउँपालिकाको मोलिमा नेकपा एमालेका केन्द्रीय सदस्य तथा समानुपातिक उम्मेदवार किशोर अधिकारी, केन्द्रीय सदस्य तथा प्रतिनिधि सभा सदस्य उम्मेदवार यज्ञराज सुनुवार ,प्रदेस सभा क्षेत्र नं २ का उम्मेदवार ज्ञान बहादुर खड्का (जीबी ) लगायतले नेपाली कांग्रेस परित्याग गरी एमालेमा प्रवेस गरेकाहरुलाई स्वागत गरेका थिए।
कार्यक्रममा बोल्दै प्रतिनिधि सभा सदस्यका उम्मेदवार यज्ञराज सुनुवारले ओखलढुंगा जिल्लाको विकास र समृद्धिका लागि नेकपा एमालेले संचालन गरिरहेको अभियानलाई निरन्तरता दिनका लागि मंगसिर ४ गते सुर्यमा मतदान गर्न आग्रह गर्दै एमालेमा प्रवेस गरेकाहरुलाई सम्मान ,सहभागिता र सहयोग गर्ने प्रतिवदत्ता ब्यक्त गरेका थिए।
