शशक्त संगठक बन्दै शिला लामा : काठमाण्डौ क्षेत्र नं ४ मा सैयौं नेकपा एमालेमा प्रवेस
कपन अनलाइन
काठमाण्डौ,साउन ३१।
नेकपा एमाले जिल्ला कमिटी सदस्य शिला लामाको पहलमा काठमाण्डौ क्षेत्र नं ४ का सयौं नेकपा एमालेमा प्रवेस गरेका छन। नेकपा एमालेको केन्द्रीय कार्यालयमा विभिन्न पार्टी परित्याग गरेर प्रवेस गरेकाहरुलाई अध्यक्ष केपी ओलीले स्वागत गरेका थिए।
नेकपा एमाले काठमाण्डौ क्षेत्र नं ४ (२ ) की सह संयोजक समेत रहेकी लामाको पहलमा नेकपा विप्लव कोशी ब्युरो सदस्य नेत्र साम्पाङ्ग , पुर्व जनमुक्ति सेना केदार लामिछाने र व्यवसायी कृष्ण श्रेष्ठ सहित सयौं नेकपा एमालेमा प्रवेस गरेका थिए।
बुढानिलकण्ठ नगरपालिका वडा नं १० मा रहेको निखिलेश्वर टोल सुधार समितीकी अध्यक्ष समेत रहेकी लामा स्थानीय तहको निर्वाचनमा बुढानिलकण्ठ नगर निर्वाचन परिचालन कमिटीमा सह संयोजक रहेकी थिइन् ।
भूमिगत कालिन अस्वस्था देखि नै माओवादी आन्दोलनमा सक्रिय रहेकी लामा नेकपा एमालेमा प्रवेस गरे संगै काठमाण्डौ क्षेत्र नं ५ मा विभिन्न माओवादी पार्टीका नेता तथा कार्यकर्ताहरु एमालेमा प्रवेस गर्ने क्रम निरन्तर रहेको छ।
लामो समय देखि कम्युनिस्ट आन्दोलनमा सक्रिय रहेकी लामाले साविक कपन गाविसको सर्वदलीय संयन्त्रमा रहेर काम गरेकी थिइन् ।
