गोकर्णेश्वर ३ गाम्चा जगडोलमा मनाइयो रोपाइँ जात्रा

कपन अनलाइन

काठमाडौं साउन ३०। गोकर्णेश्वर नगरपालिका वडा नं ३ गाम्चा जगडोलमा रोपाइँ जात्रा मनाइएको छ  । बुधबार हरेक वर्ष झै यसबर्ष पनि   रोपाइ जात्राले निरन्तरता पाएको हो। एक बर्षभित्र मृत्यु भएकाका घरबाट लाठे रोपार निकाली रोपाइँ जात्रा मनाउने प्रचलन छ । ‘यसो गर्दा मृतकको आत्माले शान्ति पाउने विश्वास छ’ ।नेवार समुदायको बाहुल्य रहेको  गाम्चामा झाँकी  बाजा सहित  रोपाइँ जात्रामा खेतमा छ्यापेको हिलोको प्रतीकका रूपमा विभिन्न रङ दली सांस्कृतिक झाँकीसहित रोपाहारले रोपेको र बाउसेले बाउसे गरेको अभिनय गर्दछन् ।

साउनको महिना खेतीपाती सकेर फुर्सदको समयमा मनोरञ्जन गर्न गाईजात्रासँगै रोपाइँ जात्रा गर्ने परम्परा रहेको छ ।  रोपाइँ जात्रामा पुरुषलाई सिंगारेर महिला बनाई  गाउ  परिक्रमा गराउने परम्परा  समेत रहेको छ। पहिलेकै जसरी   जात्रा  सञ्चालनमा आए पनि समयसँगै केही प्रभावित  भएको  स्थानीय बताउछन । रोपाइँ जात्रालाई   नयाँ  पुस्ताले   कम चासो दिन थालेको   संस्कृतिको संरक्षण गर्ने खालको मात्र काम भएको  स्थानीय बताउछन ।  सायद पछिल्लो समयमा खर्चिलो भएर  पनि विगतजस्तो भने मानिसहरूको सहभागिता र मनोरञ्जन कम हुने गरेको उनीहरुको गुनासो रहेको थियो।