सुन्दरीजलको नदीमा हराई रहेका कपनका युवाको शव भेटियो

किअपन अनलाइन

काठमाण्डौ ,साउन ८।

गोकर्णेश्वर नगरपालिका वडा नं १ सुन्दरीजलको नदीमा खसेर हराइरहेका कपनका युवाको शव भेटिएको छ।

साउन ७ गते सनिवार देखि हराई रहेका बुढानिलकण्ठ नगरपालिका वडा १२  प्रशान्ति एकेडेमी नजिक बस्ने वर्ष १६ का शुभम श्री प्रधानको शव आज भेटिएको हो।

साउन ७ गते साथीहरु संग सुन्दरीजल घुम्न गएका प्रधान फोटो खिच्ने  क्रममा नदीमा खसेर हराएका थिए। कुनैपनि सुरक्षा व्यवस्था र प्रवन्ध नभएको नदीमा खसेर हराई रहेका उनको शव उद्दार टोलीले दुइ दिनको खोजी पछी भेटेको हो।

सशस्त्र प्रहरी बल बिपत ब्यबस्थापन नं २० गण सिनामंगल,नेपाली सेना बिपत ब्यबस्थापन गण सुन्दरीजल,नेपाल प्रहरी बिपत ब्यबस्थापन गण लगायतको टोलीले आज करिव १२ बजेको समयमा प्रधानको शव भेटेको थियो।