शंखरापुर नगरपालिकाका बिभिन्न स्थान र चोकहरुमा सिसिटिभी क्यामरा जडान

कपन अनलाइन

काठमाडौं, साउन १।  शंखरापुर नगरपालिकाका बिभिन्न स्थान र चोकहरुमा सिसिटिभी क्यामरा जडान गरिएको छ।चोरी डकैतीका घटना बढ्न थालेपछि नगरपालिकाले बिभिन्न स्थानमा सिसिटिभी क्यामरा जडान गरेको हो ।नगरपालिकाको वडा नंबर ९ इन्द्रायणीमा चोरीको घटना बढेपछि सानागाउँ चोकमा सीसी क्यामेरा जडान गरिएको  नगर प्रवक्ता एबम वडा नं ६ का वडा अध्यक्ष राधाकृष्ण श्रेष्ठले कपन अनलाइनलाइ जानकारी गराए  । उनका अनुसार नयाँ आर्थिक वर्ष सुरु भइनसकेकोले पछि रकम भूक्तानी गर्नेगरी फास्ट ट्रयाकमा सीसी क्यामेरा जडान गरिएको जानकारी गराउदै  आगामी दिनमा आवश्यकता हेरी नगरपालिकाका मुख्य चोक र सडकमा सीसी क्यामेरा जडान गर्दै जाने उनले बताए ।

केहि समय अघि  इन्द्रायणी साना गाँउमा भएको चोरी डकैती घटनाका पीडितलाई भेट्दै नगरप्रमुख रमेश नापितले नगरको सुरक्षाका लागि सीसी क्यामेरा जडानलाई ब्यवस्थित बनाउँदै लैजाने बताएका छन् ।नगरको मुख्य चोक र सडकहरूमा सीसी क्यामेरा जडान गरि नगरबासीहरूको धनजन सुरक्षित गर्न नगरपालिका प्रतिबद्ध रहेको उनले बताएका छन् ।