बालउद्धारमा पढ्न थाले विद्यार्थी

काठमाडौं । बुढानिलकण्ठ नगरपालिकाको मिलनचोकमा रहेको बालउद्धार उच्च माध्यमिक विद्यालयमा पठनपाठन शुरु भएको छ । विनाशकारी भूकम्प र त्यसपछिका पराकम्पनका कारण अवरुद्ध भएको विद्यालय बैशाख १७ बाट खुलेपनि आंशिक रुप पठनपाठन भने बैशाख १९ गतेबाट शुरु भएको छ । बैशाख २० बाट भने पूर्ण रुपमा पठनपाठन हुने विद्यालय संचालक समितिका अध्यक्ष डम्बर अधिकारीले जानकारी दिए ।

बैशाख १७ गतेबाट विद्यालय संचालन गरेर मनोबैज्ञानिक त्रास हटाउन विभिन्न मनोरन्जनात्मक क्रियाकलापहरु गर्नुका साथै विद्यार्थीहरुलाई आत्मबल बढ्ने क्रियाकलापहरु गराइएको उनले जानकारी दिए ।
भूकम्पबाट विद्यालयको पर्खालहरु भत्किएको जानकारी दिदै उनले अब विद्यालयको पर्खालहरु खोल्न मिल्ने खालको लगाउने तयारी भइरहेको बताए । भूकम्पबाट विद्यालयमा १० देखि १५ लाखको क्षति भएको पनि अध्यक्ष अधिकारीले जानकारी दिए ।