अल नेपाल यूवा क्लब गोकर्णेश्वर ४  द्वारा आयोजित  रक्तदान तथा सम्मान कार्यक्रम सम्पन्न

कपन अनलाइन

काठमाडौं असार १३। अल नेपाल यूवा क्लब गोकर्णेश्वर ४  द्वारा आयोजित  रक्तदान तथा सम्मान कार्यक्रम सम्पन्न गरेको छ। शनिबार काठमाडौं महानगर पालिका वडा नं ६ स्थित बौद्धनाथ परिसरमा नेपाल रेडक्रस सोसाइटी भक्तपुरको प्राबिधिक सहयोगमा आयोजित उक्त कार्यक्रममा ४७ पिन्ट रक्त संकलन गरिएको अल नेपाल युवा क्लबका अध्यक्ष दोर्जी शेर्पाले जानकारी गराए।

क्लबका अध्यक्ष दोर्जी शेर्पाको अध्यक्षतामा भएको उक्त कार्यक्रममा  प्रमुख अतिथिको रुपमा गोकर्णेश्वर नगरपालिका प्रमुख दिपक रिसाल रहेका थिए भने बिशेष अतिथिको रुपमा गोकर्णेश्वर नगरपालिका वडा नं २ का अध्यक्ष मधु तामाङ, वडा नं ४ का वडा अध्यक्ष जयराम महत वडा नं ५ का वडा अध्यक्ष नारायण बहादुर सुवेदी,वडा नं ६ का वडा अध्यक्ष नवराज लामा वडा नं ७ का वडा अध्यक्ष केशव गुरुङ र वडा नं ८ का वडा अध्यक्ष नन्दलाल श्रेष्ठ,समाजसेवी कुमार राज सुवेदी  लगायत बौद्धनाथ क्षेत्र विकास समितिका पदाधिकारीहरुको उपस्थिति रहेको थियो।

क्लबले गोकर्णेश्वर नगरपालिकाका नव निर्वाचित जनप्रतिनिधिका साथै  बौद्धनाथ क्षेत्र विकास समितिका पदाधिकारीहरुलाइ सम्मान गरिएको थियो भने कार्यक्रम सफलतापुर्वक समपन्न गर्न सहयोग गर्ने सम्मुनत जालपादेवी युवा क्लब गोकर्णेश्वर ३, भेनस पब्लिक स्कुल कलेज र बौद्धनाथ क्षेत्र विकास समितिलाइ समेत सम्मान गरिएको थियो ।