मदन भण्डारी फाउन्डेसन चन्द्रागिरी नगर कमिटीको सरसफाई तथा ज्येष्ठ नागरिकलाइ भोजन कार्यक्रम सम्पन्न

कपन अनलाइन

काठमाडौं असार १३ । जननेता मदन भण्डारीको ७१औं जन्म जयन्तीको सन्दर्भ पारेर मदन भण्डारी फाउन्डेसन चन्द्रागिरी नगर कमिटीले  मातातिर्थ कुण्ड परिसरमा सरसफाई गर्नुको साथै बृद्दाश्रममा आश्रय लिएका ज्येष्ठ नागरिकलाइ भोजन गराएको छ   । सोभियत संघको विघटन सँगै विश्वको कम्युनिष्ट आन्दोलन मत्थर भएको बेला नेपालमा जनताको बहुदलीय जनवादको सिद्धान्त मार्फत कम्युनिष्ट आन्दोलनलाई उठाउन महत्वपूर्ण भूमिका खेलेका जननेता मदन भण्डारीको सम्झनामा सरसफाई तथा ज्येष्ठ नागरिकलाई भोजन  कार्यक्रम आयोजना गरिएको मदन भण्डारी फाउन्डेसन चन्द्रागिरी नगर कमिटीका अध्यक्ष समीर खड्काले जानकारी गराए ।

फाउन्डेसनले मातातिर्थ बृद्धाश्रम समितिमा आश्रय लिएर बसेका जेष्ठ नागरिकहरु लाई खाना समेत  खुवाएको  अध्यक्ष खड्काले जानकारी गराए । मदन भण्डारीको जन्म जयन्ती साताव्यापी मनाउने कार्यक्रम रहेको बताउँदै स्वास्थ्य शिबिरको साथै रक्तदान कार्यक्रम समेत  आयोजना गरिने  अध्यक्ष खड्काले जानकारी गराए ।