नवनिर्वाचित जनप्रतिनिधिहरुलाई नेकपा एमाले बुढानिलकण्ठको बधाई तथा शुभकामना
कपन अनलाइन
काठमाण्डौ ,असार ४ ।
नेकपा एमाले बुढानिलकण्ठले स्थानीय तहको निर्वाचनमा नेकपा एमालेका तर्फबाट उम्मेदवार बनेर निर्वाचित भएका जनप्रतिनिधिहरुलाई बधाई तथा शुभकामना प्रदान गरेको छ।
बुढानिलकण्ठ नगरपालिका वडा नं ७ मा रहेको पिकोलो पार्टी प्यालेसमा नेकपा एमाले बुढानिलकण्ठ नगर निर्वाचन परिचालन कमिटीको आयोजनामा भएको कार्यक्रममा बैशाख ३० गते भएको निर्वाचन र नगर कार्यपालिकामा निर्वाचित भएका जनप्रतिनिधिहरुलाई बधाई ज्ञापन गरिएको थियो।
नेकपा एमालेका बरिस्ट उपाध्यक्ष ईश्वर पोखरेलको प्रमुख आतिथ्यता र निर्वाचन परिचालन कमिटीका संयोजक बागमती प्रदेस सचिवालय सदस्य उद्दव प्रसाद खरेलको अध्यक्षतामा भएको सो कार्यक्रममा प्रदेस कमिटी सदस्य संगम गहतराज,जिल्ला कमिटी सदस्य तथा समिक्षा बैठकका प्रतिनिधि कमल रेग्मी, जिल्ला कमिटी सदस्य तथा निवर्तमान उपप्रमुख रमादेवी राई,जिल्ला कमिटी सदस्य तथा निर्वाचन परिचालन कमिटीका सह संयोजक लक्ष्मी संग्रौला लगायतले मन्तव्य राखेका थिए।
नेकपा एमाले बुढानिलकण्ठका अध्यक्ष तथा निर्वाचन परिचालन कमिटीका सचिव प्रदिप डंगोलले संचालन गरेको कार्यक्रममा बोल्दै प्रमुख अतिथि पोखरेलले बुढानिलकण्ठ नगरपालिकामा नेकपा एमालेको जित उदाहरणीय र प्रशंशा गर्न योग्य रहेको बताउदै अवको आफ्नो पूर्ण समय जनताको सेवा र हितमा लगाउन निर्देशन दिएका थिए।
