सामुदायिक विकास समाज गोकर्णेश्वर ३ ले दियो नवनिर्वाचित जनप्रतिनिधिलाइ बधाई

कपन अनलाइन

काठमाडौं, जेठ २८ । गोकर्णेश्वर नगरपालिका वडा नं ३ गाम्चामा रहेको सामुदायिक विकास समाजले नव निर्वाचित जनप्रतिनिधिहरुलाई सम्मान तथा  बधाई कार्यक्रम सम्पन्न गरेको छ ।

शुक्रबार गाम्चा  सामुदायिक स्वास्थ्य केन्द्रमा सामुदायिक   विकास समाजका अध्यक्ष गम्भीरमान श्रेष्ठको अध्यक्षतामा भएको उक्त कार्यक्रममा गोकर्णेश्वर नगरपालिकामा नव निर्वाचित नगर प्रमुख दिपक रिसाल ,गोकर्णेश्वर नगरपालिका वडा नं ३ का वडा अध्यक्ष मुरारी प्रसाद कुइकेल , वडा सदस्यहरु लक्ष्मी भण्डारी, चित्रमाया बिक र  बुद्दी  बहादुर श्रेष्ठ लाइ बधाई तथा सफल कार्यकालको शुभकामना ब्यक्त गरिएको  थियो ।   कार्यक्रममा गाम्चा सामुदायिक स्वास्थ्य केन्द्रमा आयुर्वेदिक राख्ने विषयमा समेत छलफल भएको थियो  भने उक्त क्षेत्रमा उल्लेखनीय योगदान पुर्याउने ब्यक्तिहरुलाई समेत सम्मान गरिएको थियो ।