बुढानिलकण्ठ-१२ मा फोहोर मैला व्यवस्थापन अभिमुखीकरण तथा डस्टबिन वितरण

कपन अनलाइन

काठमाण्डौ ,जेष्ठ २८।

बुढानिलकण्ठ नगरपालिका वडा नं १२ मा फोहोर मैला व्यवस्थापन सम्बन्धि  अभिमुखीकरण तथा डस्टबिन वितरण कार्यक्रम सम्पन्न भएको छ।

बुढानिलकण्ठ -१२ को इभर साइन पार्टी प्यालेसमा भएको कार्यक्रममा फोहोर मैला व्यवस्थापन सम्बन्धि विविध पक्षहरुका वारेमा अभिमुखीकरण गरिएको थियो भने वडावासीहरुलाई डस्टबिन पनि वितरण गरिएको थियो।

सो अवसरमा वडा नं १२ का अध्यक्ष शम्भु प्रसाद भट्टराई,सदस्य तथा नगर कार्यपालिका सदस्य शान्ता ढकाल पुडासैनी , सदस्य डिल्ली प्रसाद खतिवडा ,ईश्वरी भट्टराई ,मीना बयलकोटी,बाल सचेतना केन्द्रका बाबुराम अर्याल  सहित विभिन्न क्षेत्रका व्यक्तित्वहरुको उपस्थिति रहेको थियो।

वडा नं १२ को आयोजना तथा बाल सचेतना केन्द्रको व्यवस्थापनमा भएको सो कार्यक्रममा फोहोर मैला व्यवस्थापन र सरसफाईका वारेमा वक्ताहरुले चर्चा गरेका थिए।