नेपाली कांग्रेस गोकर्णेश्वर ९ कार्यसमिति द्वारा आयोजित क्रियाशील भेला तथा धन्यवाद कार्यक्रम सम्पन्न
कपन अनलाइन
काठमाडौँ, जेठ २७ । नेपाली कांग्रेस गोकर्णेश्वर नगरपालिका वडा नं ९ कार्यसमिति द्वारा आयोजित क्रियाशील भेला तथा धन्यवाद कार्यक्रम सम्पन्न भएको छ । आज बिहान गोकर्ण हिलसाइट रिसोर्टमा भएको उक्त कार्यक्रमको प्रमुख अतिथिको रुपमा गोकर्णेश्वर नगरपालिकाका निवर्तमान नगरप्रमुख तथा नेपाली कांग्रेस क्षेत्र नं ३ का क्षेत्रीय सभापती सन्तोष चालिसे रहेका थिए भने बिशेष अतिथिको रुपमा गोकर्णेश्वर नगरपालिकाका प्रमुख दिपक रिसाल, महाधिवेशन प्रतिनिधि सत्यभामा श्रेष्ठ, नेपाली कांग्रेस काठमाडौं जिल्ला सदस्य यूवलाल बिश्वकर्मा, नेपाली कांग्रेस गोकर्णेश्वर नगरपालिका वडा नं ९ कार्यसमितिका पुर्व इकाई सभापति बुद्दीमान तामाङ
लगायत नेपाली कांग्रेसका नेता तथा क्रियाशील सदस्यहरुको साथै नेपाली कांग्रेस बाटवडा नं ९ मा बिजयी भएका वडा सदस्य उमेश चालिसे, श्रीकृष्ण कारंजित, लक्ष्मी गुरुङ, गमला परियारको समेत उपस्थिति रहेको कार्यक्रमको अध्यक्षता नेपाली कांग्रेस गोकर्णेश्वर नगरपालिका वडा नं ९ कार्यसमितिका सभापति एबम गोकर्णेश्वर नगरपालिका वडा नं ९ का वडा अध्यक्ष राजीव थापाले गरेका थिए भने कार्यक्रम संचालन सचिव केशब अधिकारीले गरेका थिए ।
कार्यक्रमका सभापति नेपाली कांग्रेस गोकर्णेश्वर नगरपालिका वडा नं ९ कार्यसमितिका सभापति एबम गोकर्णेश्वर नगरपालिका वडा नं ९ का वडा अध्यक्ष राजीव थापाले स्वागत मन्तब्य राख्दै कार्यक्रमको उदेश्य माथी प्रकाश पारेका थिए। उनले गोकर्णेश्वर नगरपालिकामा नेपाली कांग्रेसलाइ बिजयी गराउन सहयोग गर्ने सबैलाई धन्यवाद दिदै आगामी दिनमा पनि समग्र नगर तथा वडाको विकासका लागि एकजुट हुदै सल्लाह सुझाबको अपेक्षा गरेका थिए।कार्यक्रममा महाधिवेशन प्रतिनिधि सत्यभामा श्रेष्ठ, नेपाली कांग्रेस काठमाडौं जिल्ला सदस्य यूवलाल बिश्वकर्मा, नेपाली कांग्रेस गोकर्णेश्वर नगरपालिका वडा नं ९ कार्यसमितिका पुर्व इकाई सभापति बुद्दीमान तामाङ लगायतले शुभकामना मन्तब्य राख्दै नेपाली कांग्रेसलाइ जिताउन सहयोग गर्ने सबैलाई धन्यवाद दिएका थिए । उनले केहि कमि कमजोरीको कारण नगरमा बहुमत पुर्याउन नसके पनि आगामी दिनमा हुने संघ र प्रदेशको निर्वाचनमा एक जुट हुदै नेपाली कांग्रेसको चारतारे झण्डालाइ जिताउनको लागि लागि पर्न समेत अनुरोध गरेका थिए।
कार्यक्रमलाइ सम्बोधन गर्दै नगर प्रमुख दिपक रिसालले आयोजकलाइ धन्यवाद दिदै सबै संग सरसल्लाह गरेर नै नगरको विकासमा केन्द्रित रहने बताए ।उनले नगरमा बहुमत नभए पनि राम्रो काममा सबैले सहयोग गर्ने बिश्वास ब्यक्त गरेका थिए ।उनले योजना छनौट लगायतको काम गर्दा वडाबासीको आवश्यकता र मागलाइ सम्बोधन गर्ने पनि बताए उनले अधुरा योजनालाइ समेटर समेत अघि बढ्ने बताएका थिए ।
कार्यक्रममा प्रमुख अतिथिको रुपमा बोल्दै निवर्तमान नगर प्रमुख एबम नेपाली कांग्रेस क्षेत्र नं ३ का क्षेत्रीय सभापती सन्तोष चालिसेले आयोजकलाइ धन्यवाद दिदै नगर तथा क्षेत्रको हितमा आफु लाग्ने बताए ।उनले गोकर्णेश्वरमा नेपाली कांग्रेसका उम्मेद्वारलाइ बिजयी गराउन सहयोग गर्ने सबैलाई धन्यबाद दिदै नगरको हितका लागि आफ्नो अनुभव फलदायी हुने हुँदा त्यसैको आधारमा सल्लाह दिएर अघि बढ्ने बताएका थिए ।
