गोकर्णेश्वरमा राष्ट्रिय संस्थागत बिद्यालय संघ नेपाल (निसान)ले छैटौं निसान कप फुटसल प्रतियोगिता गर्ने

कपन अनलाइन

काठमाडौँ, जेठ २३ । राष्ट्रिय संस्थागत बिद्यालय संघ नेपाल (निसान)ले छैटौं निसान कप फुटसल प्रतियोगिता गर्ने भएको छ।संस्थाले यहि असार ३, ४ र ५ गते मेडिकल कलेज नजिक रहेको रुम्बल फुटसलमा ७ ए साइड फुटसल गर्न लागेको हो। करिब ४० टिम सहभागी हुने खेल नक आउटको आधारमा खेल खेलाइने छ। प्रतियोगिता प्रथम र द्वितीय हुने टिमलाई नगद, सिल्ड,प्रमाणपत्र र मेडल प्रदान गरिनेछ भने सेमिफाइनलमा आउट हुने दुबै टिमलाई सान्त्वना पुरस्कार स्वरुप सिल्ड,प्रमाणपत्र र मेडल प्रदान गरिने आयोजक संस्थाका महासचिब तथा गेम कोर्डिनेटर सौर्यनाथ आचार्य

 जानकारी गराएका छन  । खेल अबधिभर उत्कृष्ट गोल रक्षक , उत्कृष्ट खेलाडी र बढी गोल गर्नेलाइ ट्रफी द्वारा सम्मान गरिनुका साथै प्री क्वाटरफाइनल सम्म हरेक खेलमा उत्कृष्ट खेल खेल्ने खेलाडीलाई म्यान अफ दि म्याचको ट्रफि दिइने पनि  आचार्यले जानकारी गराए  ।हरेक बर्ष गर्दै आएको फुटसल गत बर्ष कोभिडको कारणले प्रभावित भएको थियो।