तारा एयर दुर्घटनामा ज्यान गुमाएका एकै परिवारका सात जनाको अन्त्येष्टि

कपन अनलाइन

काठमाडौं, जेठ १९  । तारा एयर दुर्घटनामा ज्यान गुमाएका एकै परिवारका सात जनाको आज अन्तिम संस्कार गरिएको छ । दुर्घटनामा मकरबहादुर तामाङ, सुकुमाया तामाङ,  राजन गोले,  इन्द्रबहादुर गोले,  राममाया गोले,  पुरुषोत्तम गोले र तुलसादेवी तामाङको मृत्यु भएको थियो ।

शवको पोस्टमार्टम सकिएपछि  बिहीबार टिचिङ अस्पतालबाट आफन्तलाई शव हस्तान्तरण गरिएको थियो । शव हस्तान्तरण गरेलगत्तै मृतकको अन्तिम संस्कार गरिएको हो । स्वयम्भूमा गरिएको अन्तिम संस्कारमा नेकपा एकीकृत समाजवादीका सम्मानित नेता झलनाथ खनालले  पार्टीको  धनुषा जिल्ला कमिटीका सदस्य रहेका राजन गोलेको शवमा पार्टीको झण्डा ओढाएर अन्तिम बिदाइ गरेका थिए ।

फोटो : मनिल रिसाल