गणतन्त्र दिवसको अवसरमा गोकर्णेश्वर नगरपालिका वडा नं ४ मा दिप प्रज्वलन

कपन अनलाइन

काठमाडौँ, जेठ १६ । गणतन्त्र दिवसको अवसरमा गोकर्णेश्वर नगरपालिका वडा नं ४ ले दिप प्रज्वलन गरेको छ। आइतबार गणतन्त्र दिवसको अवसरमा वडा कार्यालय प्राङ्गणमा दिप प्रज्वलन गरिएको हो उक्त कार्यक्रममा नव निर्वाचित वडा अध्यक्ष जयराम महत वडा सदस्यहरु कृष्ण श्रेष्ठ, राजेश श्रेष्ठ, कार्यपालिका सदस्य गौरी श्रेष्ठ वडा सदस्य सुनिता परियार वडा सदस्य नवराज सेन  कर्मचारी प्रेम श्रेष्ठ लगायतको उपस्थितिमा  दिप प्रज्वलन गरिएको हो ।

दिप प्रज्वलन पश्चात संक्षिप्त कुरा गर्दै वडा सदस्य जयराम महतले गणतन्त्र दिवस २०७९को अवसरमा सङ्घीय लोकतान्त्रिक गणतन्त्रको स्थापनाका लागि आफ्नो ज्यानको आहुति दिने महान शहीदहरुप्रति  श्रद्धाञ्जली दिदै नेपाली जनताको दशकौं लामो सङ्घर्षबाट देशमा संघीय लोकतान्त्रिक गणतन्त्र संस्थागत भएको र गणतन्त्र दिवस २०७९ ले सबैलाई एकतावद्ध भई अगाडि बढ्न प्रेरित गरोस् भन्ने अपेक्षाका साथ सबैलाई शुभकामना ब्यक्त गरेका छन ।