गोकर्णेश्वरको नगर प्रमुखमा कांग्रेसका दिपक रिसाल र उपप्रमुखमा एमालेकी सान्नानी लामा निर्वाचित

कपन अनलाइन

काठमाडौँ, जेठ ५  ।  गोकर्णेश्वर  नगरपालिकाको प्रमुखमा नेपाली कांग्रेस र उपप्रमुखमा नेकपा एमालेका उम्मेदवार विजयी भएका छन् । नगर प्रमुखमा नेपाली कांग्रेसका दिपक रिसालले ९  हजार ६९२  मतसहित विजयी भएका हुन् । उनका निकटतम प्रतिस्पर्धी नेकपा एमालेका  उद्दब बिष्टले  ८ हजार ५०४ मत पाए  । नेकपा (एकीकृत समाजबादी)का   उम्मेदवार  गोपाल प्रसाद बरालले १८ सय ४१  मत पाए ।

नगर उपप्रमुखमा नेकपा एमालेकी  सान्नानी लामा  निर्वाचित भइन् । उनले नेपाली कांग्रेसकी उम्मेदवार  शान्ती नेपाललाइ १३३ मत अन्तरले  पराजित गरेकी हुन । लामाले ८  हजार ८०४  मत पाउँदा नेपालको पक्षमा ८  हजार ६ सय ७१  मत परेको छ । नेकपा माओवादी केन्द्रका पेमाछिरी शेर्पाले २ हजार ७०१ र राप्रपाकि  शर्मिला थापाले ८ सय ५२ मत पाएकी थिईन।  त्यसैगरि गुलाफको फुल चिन्ह लिएर उठेकी  स्वतन्त्र उम्मेदवार लक्ष्मी पुडासैनी लामिछानेले ९७ मत पाएकी थिइन ।