लोकतान्त्रिक आदिवासी जनजाती महासंघ नेपालको काठमाडौं जिल्ला अध्यक्षमा नवराज लामा

कपन अनलाइन

काठमाण्डौ ,चैत्र २८ । लोकतान्त्रिक आदिवासी जनजाती महासंघ नेपालको  काठमाडौं जिल्ला अध्यक्षमा  नवराज लामा सर्वसम्मत निर्वाचित भएका छन् । आईतबार काठमाडौं स्काई जोन पार्टी प्यालेस धुम्बाराहीमा भएको भेलाले महासंघका केन्द्रीय सदस्य एबम गोकर्णेश्वर नगरपालिका वडा नं ६ का वडा सदस्य समेत रहेका   लामा काठमाडौं जिल्ला अध्यक्षमा सर्वसम्मत निर्वाचित  भएका हुन्  ।

 जिल्ला भेलाले ९ जना पदाधिकारी सहित ११५ सदस्यीय कमिटि सर्वसम्मत निर्वाचित गरेको छ  ।  निर्वाचित पदाधिकारीहरुमा महेश्वर श्रेष्ठ उपाध्यक्ष, नविन श्रेष्ठ उपाध्यक्ष, कृता राई उपाध्यक्ष, जयराम श्रेष्ठ सचिव, सन्दिप सुनवार उप सचिव, सञ्जयमान महर्जन उपसचिव, मञ्जु लामा कोषाध्यक्ष, साङमो लामा कोषाध्यक्षमा निर्वाचित भएका छन् ।पूर्वमन्त्री  एबम नेकपा एमाले स्थायी  कमिटि सदस्य शेर बहादुर तामाङको प्रमुख आतिथ्यता रहेको सो भेलामा  नेकपा एमालेका केन्द्रीय सदस्य एबम बागमती प्रदेशका पुर्व मन्त्रि केशब स्थापित ,नेकपा एमाले काठमाडौं जिल्ला अध्यक्ष दिपक निरौला ,आदिवासी जनजाती महासंघका पूर्व अध्यक्ष पासाङ शेर्पा लगायत नेकपा एमाले काठमाडौंका नेता तथा उल्लेख्य संख्यामा आदिवासी जनजाती महासंघका नेता कार्यकर्ताहरुको उपस्थिती रहेको थियो ।