गोकर्णेश्वर नगरपालिका वडा नं ३ को अध्यक्षमा नेकपा एमालेका बुद्दी बहादुर श्रेष्ठको चर्चा
कपन अनलाइन
काठमाडौँ, चैत्र २२ । गोकर्णेश्वर नगरपालिका वडा नं ३ को अध्यक्षमा नेकपा एमालेका तर्फ बाट बुद्दी बहादुर श्रेष्ठ उम्मेदवार बन्ने चर्चा चलेको छ। नेकपा एमाले गोकर्णेश्वर ३ वडा कमिटीका अध्यक्ष समेत रहेका श्रेष्ठ २०७९ बैशाख ३० गते हुने स्थानीय तहको निर्वाचनमा वडा अध्यक्ष पदमा उम्मेदवार बन्ने चर्चाले वडा नं ३ को राजनीतिमा तरंग पैदा गरेको छ।
लामो समय देखि साविक बालुवा गाउँ कमिटी र वडा कमिटीका विभिन्न जिम्मेवारीमा रहेर योगदान दिएका श्रेष्ठ लामो समयदेखी राजनीति विकास निर्माण र समाजसेवामा सक्रिय रहदै आएका छन। वडाको विकास निर्माण तथा सामाजिक धार्मिक र सांस्कृतिक क्षेत्रको प्रवर्धनमा निकै सक्रिय रहेका श्रेष्ठ युवा आन्दोलनमा पनि आवद्द रहेका थिए।
पार्टी विभाजनको कठिन समयमा नेकपा एमालेको संगठन विस्तार र निर्माणमा जुझारु देखिएका श्रेष्ठ विभिन्न संघ संस्थामा रहेर वडाको विकासमा योगदान पुर्याएका छन।
