प्रथम बागमती प्रदेश खेलकुद : ललितपुर र मकवानपुर फाइनलमा

कपन अनलाइन

काठमाण्डौ ,चैत्र ५ ।

ललितपुर र मकवानपुर प्रथम बागमती प्रदेश खेलकुदअन्तर्गत पुरुष फुटबलमा शुक्रबार फाइनलमा प्रवेश गरेका छन् ।
पहिलो सेमिफाइनलमा ललितपुरले धादिङलाई टाइब्रेकरमा ५–३ गोलले पराजित गर्यो  । निर्धारित समयको खेल २–२ को बराबरीका सकिएको थियो ।
अर्को सेमिफाइनलमा मकवानपुरले दोलखालाई ५–१ को फराकिलो गोलअन्तरले हरायो । मकवानपुरका समिरराज ठोकरले २ तथा ललित राजवंशी, अमिर श्रेष्ठ र अनिश महर्जनले १–१ गोल गरे । दोलखाका स्वयं श्रेष्ठले सान्त्वना गोल गरे । फाइनल आइतबार हुने छ ।
पुरुष टी– २० क्रिकेटमा काभ्रे र मकवानपुर सेमिफाइनलमा पुगे । काभ्रेले भक्तपुरलाई ८ विकेटले पराजित ग¥यो । पहिले ब्याटिङ गरेको भक्तपुरले निर्धारित २० ओभरमा ७ विकेट क्षतिमा १३० रन बनायो । निश्चय थापाले ४५ रन जोडे ।
जवाफमा काभ्रेले १२.५ ओभरमा २ विकेट गुमाउदै १३३ रन बनायो । सुवास खकुरेलले नटआउट ७४ रन  जोडे ।
मकवानपुरले ललितपुरलाई ७४ रनको फराकिलो अन्तरले हरायो । सुरुमा ब्याटिङमा उत्रेको मकवानपुरले १९.१ ओभरमा अलआउट हुनुअघि १५८ रनको योगफल खडा ग¥यो । गौरव खड्काले ७७ रन जोडे । ललितपुर २० ओभरमा ८ विकेट नोक्सानीमा ८४ रनमा समेटियो । फरिद खानले २१ रन जोडे ।