चाबहिल मालपोत कार्यालयका खरिदार घुस सहित रंगेहात पक्राउ

कपन अनलाइन

काठमाण्डौ , फागुन १२ ।

चाबहिलको मालपोत कार्यालयका खरिदार सहित तीन जना घुस लिंदालिंदै गरेको अवस्थामा रंगेहात पक्राउ परेका छन् ।

बिहीबार साँझ सेवाग्राहीलाई काठमाडौं महानगरपालिका वडा नं  ७ मा रहेको मुस्ताङ हाम्रो थकाली भान्छाघरमा बोलाएर घुस लिइरहेको अवस्थामा खरिदार लक्ष्मण बस्नेत सहित तीन जनालाई अख्तियार दुरुपयोग अनुसन्धान आयोगको टोलीले नियन्त्रणमा लिएको हो ।

उनीसँगै सो कार्यमा  विचौलियाको काम गर्दै आएका विनोद श्रेष्ठ र होटल व्यवसायी मीना मगरलाई पनि पक्राउ गरेर अहिले मुचुल्का उठाउने कार्य भैरहेको छ ।

अख्तियार श्रोतका अनुसार थकाली भान्साघरका संचालक समेत मिलेमतो देखिएको र खरिदार बस्नेतको साथबाट १ लाख रुपैयाँ र होटलको काउन्टरबाट ३५ हजार रुपैयाँ नगद बरामद गरेर थप अनुसन्धान भैरहेको प्रहरी प्रभाग गंगाहिटीले जानकारी दिएको छ  ।