बुढानिलकण्ठमा राजनीतिको “हट स्पट” बन्दै सुन्दरबस्ती,दुई दलको नगर कार्यालय आमने सामने

कपन अनलाइन

काठमाण्डौ ,फागुन ३।

बुढानिलकण्ठ नगरपालिका वडा नं ८ मा रहेको सुन्दरबस्ती राजनीतिको “हट स्पट” बनेको छ । बुढानिलकण्ठ नगरपालिकाका दुई ठुला राजनीतिक दल नेकपा एमाले र नेपाली कांग्रेसका नगर कार्यालयहरु सोहो स्थानमा खोलिए पछी सो क्षेत्र राजनीतिको केन्द्र बन्ने अनुमान गरिएको छ।

नेकपा एमाले बुढानिलकण्ठ नगर कमिटीको कार्यालय अगाडी नेपाली कांग्रेसको नगर कार्यसमिति र वडा नं ८ को इकाई कार्यालय उद्घाटन गरी संगै अहिले सो क्षेत्रमा राजनीतिक चहलपहल निकै बढेको छ।

नगरपालिकाको विच भागमा रहेको सो क्षेत्रमा दुई प्रमुख दलको कार्यालय रहेको अवस्थामा आसन्न स्थानीय तहको निर्वाचन र अन्य गतिविधिमा नेता तथा कार्यकर्ताहरुको भेटघाट,अन्तरक्रिया र बहस गर्माउने पनि अनुमान गरिएको छ।