स्थानीय निर्वाचनमा १४ जना थिए टोखा नगर प्रमुखका उम्मेदवार,कस्तो थियो मतपरिणाम ?

कपन अनलाइन

काठमाण्डौ ,फागुन २।

२०७४ सालको स्थानीय तहको निर्वाचनमा टोखा नगरपालिकाको प्रमुख पदका लागि १४ जनाले उम्मेदवारी दिएका थिए। सो निर्वाचनमा विभिन्न राजनीतिक दल र स्वतन्त्र गरेर १४   जना उम्मेदवार रहेका थिए।

निर्वाचन आयोगको मतपरिणामक आनुसार सो निर्वाचनमा तत्कालिन  नेकपा एमालेका उम्मेदवार प्रकास अधिकारीले  ८८९५   मत प्राप्त गरेर विजयी बनेका थिए भने उनका निकटतम प्रतिद्वन्दी नेपाली कांग्रेसका  उम्मेदवार हरिहर अधिकारीले  ७५१४  मत प्राप्त गरेका थिए।

त्यस्तै नेकपा माओवादी केन्द्रकी कल्पना शर्माले २३९२ मत प्राप्त गरेकी थिइन् भने नेपाल मजदुर किसान पार्टीका मदन श्रेष्ठले ६५७ मत प्राप्त गरेका थिए।

राप्रपाकी रुपा डंगोलले ५६८ र संघीय समाजवादी फोरमका चैत लाल महर्जनले २२९ मत प्राप्त गरेको सो निर्वाचनमा सुवाष बहादुर ठकुरी ,केशर बहादुर प्रधान ,दिर्घ कुमार श्रेष्ठ ,सुरेश महर्जन ,दिलिप गिरि ,श्याम कृष्ण डंगोल,रामकृष्ण डंगोल र धर्मराज डंगोल नगर प्रमुख पदका उम्मेदवार रहेका थिए।