बुढानीलकण्ठ वडा नं. ८ भङ्गालबाट चोरी गरी फरार एक जना स्पेसल चोकबाट पक्राउ

कपन अनलाइन

काठमाण्डौ ,माघ २५ ।

बुढानीलकण्ठ वडा नं. ८ भङ्गालबाट चोरी गरी फरार एक जनालाई  स्पेसल चोकबाट पक्राउ गरिएको छ।

माघ २२ गते रातको समयमा जिल्ला काठमाण्डौ बुढानीलकण्ठ नगरपालिका वडा नं. ८ भङ्गालस्थित हरि पराजुलीको खाली जग्गा भाडा लिई जिल्ला दोलखा जिरी नगरपालिका वडा नं.८ घर भई  बम बहादुर तामाङले सञ्चालन गर्दै आएको डि.बि.फर्निचरको ढोका फुटाई विभिन्न सामान चोरी गर्ने वडा नं.८ भंगाल डेरा गरी बस्ने बर्ष २१ को नितेस मगरलाई प्रहरीले पक्राउ गरेको हो।

माघ २३ गते करिव १ बजेको समयमा जिल्ला काठमाण्डौ बुढानीलकण्ठ नगरपालीका वडा नं. ८ स्थित स्पेसल चोकमा लुकिछिपी हिडिरहेको अवस्थामा फेला परेका  मगरबाट रन्डा लगाउने मेसिन,ग्रेन्डर मेसिन,ह्याक्स,ड्रिल मेसिन र सटर मेसिन सानो, ठूलो वरामद गरिएको छ ।